search

ئاڵەکۆک

هەژار موکریانی
هەژار وەرگێڕانی مەم و زین
۱۳. خۆگۆڕینی تاژدین و مەم لە بەرگی کیژاندا
format_size ||more_horiz
پڕشنگی چرای لە گومبەزی شین
کردی دەمێ خاکەلێوە ڕەنگین
ڕێوشوێنی گەلێک لەمێژ و زوو بوو
حەوڕۆژەیی جێژنە بۆ پشوو بوو
هەر ڕێگە درا بە کیژ و لاوان
دانێکی نەمان لە ماڵی باوان
کچ دەچوە دەرێ دڵێکی ببڕێ
کوڕ دەچوە بەرێ گوڵێکی بکڕێ
تاژدین و مەم ئەو دوو شێردڕانە
پۆشیان شمەک و جلی کچانە
هەوری لە ملان بە ئۆیە دەسماڵ
تافتە کوڵەجە کراس و لێوئاڵ
کاکۆڵ بوو ببوو بە بسک و پەرچەم
هەر دوو کچی قۆز ئەگەر ببا مەم!
هەربۆیە بوو کەس ئەوان نەناسێ
باش گوێ دەنە بەزم و دەنگ و باسێ
بیانهێڵە بە بەرگی نازەنینان
با بچینەوە لای ستێ و زینان
بیر و ڕای خۆتان سەبارەت بەو شێعرە بنووسن.